حكت الفنانة إلهام شاهين ذكريات اجتماعها مع الزعيم الفنان عادل إمام في أدوارها بالأفلام السينمائية والأدوار المسرحية، مشيرة إلى تعاونها معه في فيلم الهلفوت.
وقالت إلهام شاهين، في تصريحات تلفزيونية، إن عادل إمام فنان عظيم ليس من السهل أن يقف أحد أمامه في دور من الأدوار، لكن داخل الدور متعاون بأقصى درجة مع الفنانين المتواجدين بالعمل.
وأضافت إلهام: “فيلم الهلفوت كان من أبرز أدواري أمام عادل إمام اللي رشحني أصلا واختارني للدور ده، كمان هو اللي قالي عايزك معايا في الفيلم، والسيناريو هبعتهولك”.
وتابعت: “عادل إمام قالي بصي اللي انتي عايزاه قولي عليه، ولما صورنا المشاهد وخلصنا وعملنا كل اللي احنا عايزينه، فانا بسلم عليه وبشكره وقعدنا نتكلم مع بعض شوية”.
واستطردت: “أستاذ عادل قالي مبسوطة وأخدتي الأجر اللي أنتي عايزاه؟”، قولت له أه فسألني “أخدتي كام؟” قولتله 5000 جنيه، قعد يزعقلي وقالي أقولك اطلبي اللي انتي عايزاه تقوليلي 5 آلاف جنيه يا عبيطة يا هبلة في حد يعمل كده”.