التخطي إلى المحتوى

بعث الفنان المصري عادل إمام رسالة تهنئة خاصة للنجمة لبلبة بعد تكريمها بجائزة العمر في مهرجان القاهرة السينمائي الدولي، وقد كشفت لبلبة عن تلك الرسالة قائلة: اتعلمت مهما كنت تعبانة إن الجمهور ملهوش ذنب لازم أطلع وأسعده وده اللي اتعلمته وأنا عندي 6 سنين من أمي، لما ابتديت مشواري الفني مكنش فيه تليفزيون وسافرت مع عبد الحليم حافظ وفنانين كتير كل البلاد.

 وأضافت في مداخلتها لبرنامج يحدث في مصر مع الإعلامي “شريف عامر” في قناة mbc مصر: أنا عاشقة للفن ولن أبعد عن الفن أو أتناساه، وبفرح لما أسعد الناس وأشوف فيلم لي بيتعرض، وأفتكر وأنا صغيرة إنهم كانوا عايزين يجوزوني علشان يبعدوني عن الفن بس أنا قلت مفيش حاجة أبدًا ممكن تبعدني عن عشقي.

وعن الزعيم عادل إمام تحدثت لبلبة قائلة: الزعيم بعتلي رسالة بيهنيني بالتكريم وبيثني علي ودائمًا باخد بنصيحته، وهو غالي علي وبعتبر أسرته أسرتي وأولاده ولادي وزوجته اعتبرها أختي، وأنا مليش زوج ولا ابن علشان كدا أسرة عادل إمام عائلتي.

والجدير بالذكر أن مهرجان القاهرة السينمائي الدولي في دورته الرابعة والأربعين قد قام بتكريم الفنانة لبلبلة بجائزة العمر، والمخرجة كاملة أبو ذكري، بالإضافة لعدد من الشخصيات العامة في الدورة التي يترأسها الفنان حسين فهمي.